CAGAYAN DE ORO CITY – Mitala sa laing 81 ka bag-ong positibong kaso sa COVID-19 ang dakbayan.
Kini subay sa datos nga gikan sa Department of Health nga gitaho usab sa city health office ning dakbayan.
Gibutyag ni City Health Office head Dra Lorraine Nery nga ang maong ihap ang kabahin sa 201 ka bag-ong kompirmadong kaso sa bayrus sa katibuk-an sa rehiyon kagahapong adlawa.
Sa 81 nga napuno sa syudad,usa sa mga pasyente niini ang nakabsan sa kinabuhi.Apan may natala usab nga 47 ka ba-gong recoveries batok sa maong sakit.
Nagbaton na ang dakbayan sa 5-mil 693 nga total cases nga nagsilbing pinakadaghan dinhi sa rehiyon.
Sa pikas bahin,may napuno usab nga 60 sa Misamis Oriental; 23 sa Bukidnon;13 sa Iligan City;7 sa Lanao del Norte ug 3 lamang gikan sa Misamis Occidental.
