CAGAYAN DE ORO CITY-Masulayan ang kautukan ug kaanyag sa 12 ka officials candidates sa Ms Cagayan de Oro 2017 sa coronation night sa Atrium,Limketkai Mall sa Barangay Lapasan,Cagayan de Oro City karong gabii.
Kini human panguluhan ni 2011 Ms Universe 3rd runner up Shamcey Supsup-Lim nga nagsilbing chairman of the board of judges nga mogisa sa mga kandidata pag-abot sa question and answer portion sa coronation night ning syudad.
Sa paghinabi sa Bombo Radyo,gibutyag ni Gean Tolang-Ceasar kinsa usa sa Ms CdeO coordinators nga masukod usab ang angkon nga kaalam sa mga kandidata tungod kay kabahin ang stylist and makeup artist Fanny Serrano;Albert Andrada nga gown designer sa blue gown ni 2015 Ms Universe Pia Wurtzbach ug stylist James Cooper ang mangutana kanila.
Matud ni Ceasar nga tinuig nga koronasyon sa mapili nga Ms CdeO ang kabahin sa core events duyog sa kapistahan sa patron saint San Agustin sa syudad sa Agosto 28.
Ilogan sa 12 ka kandidata ang ikabante nga korona ni 2016 Ms CdeO Sherlyn Doloriel.
Kabahin sa mga kandidata ning tuiga sila si Charissa Kay Panes;Suzzane Martil;Alexa Patriana;Shekinah Julia Salcedo;Marianne Grace Serenuela;Glysa Jay Basay;Katrian Laurice Acayla;Eliza Margaret Bacareza;Mary Kate Go;Jaymee Hana Padilla;Shara Philline Plenos ug Letecia Lamour Velez.
Hisayran nga ang maong mga kandidata ang nag-representa sa nagkadaiyang barangay sa syudad.
