CAGAYAN DE ORO CITY – Gisaksihan ug nakisakay sa kabayo si 2015 Ms Universe Pia Alonzo Wurtzbach sa Cowboy Festival:Annual Cagayan de Oro Oro Horse Show sa Uptown,Barangay Carmen sa syudad.
Kini isip suporta sa Cagay-anon beauty queen sa mga kalihukan sa Higalaay Festival 2019 alayon sa kapistahan ni Sr San Agustin sa Agosto 28 ning tuiga.
Kabahin usab sa tumong ni Pia ang pagpromotar sa turismo sa dakbayan diin nagsilbing regional business center sa Northern Mindanao.
Gani,nakasihan usab sa Filipina-German beauty queen ang pagkahulog sa defending champion sa kompetisyon nga si Mikaela Dueñas sa gisakyang kabayo diin paspas gidala sa J.R.Borja City Memorial Hospital aron matunulan sa medikasyon kagahapon sa buntag.
Sa pagkahapon,miduyog usab si Pia sa publiko nga naki-saksi sa Cagayan de Oro Carnival Street Dance Competition ning syudad.
Misamot ang kaikag sa 13 ka contigents dihang mikanaug si Pia gikan sa entablado aron maki-selfie sa pipila ka partisipante sa maong kompetisyon.
Hinoon,wala na kini misaksi sa mismong contigent showdown sa Rodelsa Circle apan mitambong usab si reigning 2019 Ms Cagayan de Oro Cindy Obeñita ug 1st runner up Nicole Ramos kagahapon sa hapon.
