CAGAYAN DE ORO CITY – Mihangyo personal si 2018 Ms Earth Philippines Water Berjayneth Chee sa city govt ug city council nga paluyuhan ang iyang pangindahay nga makakuha’g korona alang sa Pilipinas sa apilan niini nga Ms Chinese World didto sa Kuala Lumpur,Malaysia sa sugod Mayo 10 hangtod 20 ning tuiga.
Kini human siya ang midaug sa Ms China Town Philippines coronation nga gihimo sa kauluhan sa miaging 2022.
Mipatim-aw mismo si Berjayneth sa regular session sa konseho aron ipaabot ang iyang hangyo isip representasyon sa Cagayan de Oro sa maong indigay sa kaanyag sa Malaysia.
Si Berjayneth ang kanhi usab Ms Kuyamis Festival title holder sa tuig 2017 sa Misamis Oriental ayha nakoronahan isip 2018 Ms Earth Philippins Water.
Usa usab kini sa mga nahimong kandidata sa nga nag-representar sa Misamis Oriental sa miaging Ms World Philippines sa milabay’ng katuigan.
Siya kasamtangang nanimuyo dinhi sa Brgy Bulua ning syudad ug may kaliwatan nga gikan sa Balingasag sa lalawigan.
