CAGAYAN DE ORO CITY-Nakighimamat si 2018 Ms Earth Water Berjayneth Chee sa katawhan gikan sa lalawigan sa Misamis Oriental ning adlawa.
Kini tungod sa iyang homecoming sukad nakoronahan isip usa sa labing maanyag ug lantip ang salabutan sa koronasyon sa maong indigay sa kauluhan ning bulana.
Gisaksihan sa katawhan ug sakop sa sakop sa media ang paghatag ni Gov Bambi Emano sa pasidungog mismo atol sa flag raising sa provincial capitol karong buntag.
Si Chee kuyog sila si Ms Earth Philippines Filipina-Italian Celeste Cortesi;Miss Earth Philippines Air: Zahra Bianca Saldua sa Las Piñas City;Miss Earth Philippines Fire: Jean Nicole de Jesus sa San Rafael, Bulacan ug Miss Earth Philippines Eco-Tourism: Halimatu Yushawusa Titay, Zamboanga Sibugay ang big winners coronation night nga gihimo sa Mall of Asia sa kauluhan ning bulana.
