CAGAYAN DE ORO CITY – Dili mapugos nga ipatuman sa provincial govt ang 2019 budget aron dili lamang mabalda ang paghatag serbisyo sa katawhan sa Misamis Oriental.
Kini bisan kon gipamugos sa kampo ni Vice Gov Jigjag Pelaez nga angayang gamiton sa Emano administration ang maong pondo samtang naka-temporary restraining order ang 2020 budget sa probinsya.
Miingon si DILG regional director Arnel Agabe nga sa iyang kaugalingong opinyon,wala pa mosulti ang korte nga ‘inoperative’ ang napasar nga 2020 budget hinungdan dili una mahilabtan ang pondo nga nagamit na sa tuig 2019.
Una nang namugos si Gob Bambi Emano nga dili sila gusto mosupak sa mando sa korte hinungdan wala una sila’y paglihok sa pondo sa kapitolyo.
