CAGAYAN DE ORO CITY – Gitratar sa kapolisan kuyog ang militar nga generally peaceful ang pagsaulog sa kapistahan ni Sr San Agustin ning syudad.
Kini bisan sa naghinobra nga bahad nga laraw i-sabotahe ang dagkong mga kalihukan nga naglakip sa outdoor activities nga gihimo ning semanaha.
Miingon si Police Lt Col Reynante Reyes,deputy city director for administration sa Cagayan de Oro City Police Office o COCPO nga nakab-ot kini tungod sa hugot nga seguridad nga gipatuman ug pag-kooperar usab sa publiko.
Una nang nagdala sa dugang puwersa ang Police Regional Office-10 aron abagan ang kapolisan ug militar sa pagsiguro nga mamintinar ang kahusay’g kalinaw sa dakbayan.
Samtang gi-alerto kanunay ni City Mayor Oscar Moreno ang publiko sa tanang panahon ilabina sa ilang mga pagdalikyat sa nagkadaiyang lugar ning syudad.
Kini bisan nga nakab-ot ang sobra ka malinawon nga pagsaulog sa kapistahan sa syudad diin sunod-sunod gipatuman ang signal jamming sa linya sa komunikasyon sa miaging mga adlaw.
Miingon si Moreno nga kanunay anaa ang bahad sa seguridad hinungdan nga wala usa’y angay ihatag nga kumpiyansa ang publiko.
Gihimo ni Moreno ang pahayag dungan sa pagpasalamat sa tanan diin wala matugaw ang kapistahan sa dakbayan kagahapong adlawa.
