CAGAYAN DE ORO CITY – Milampos si reigning 2019 Ms Cagayan de Oro Cindy Obeñita nga mahimong kabahin sa official candidate sa Bb Pilipinas 2020.
Kini human impresibo ang nahimong tubag ug stage performance ni Cindy dihang giparampa siya kuyog ang laing 39 ka kandidata sa kauluhan.
Tungod niini,makatutok ang iyang fans gikan sa Cagayan de Oro City ug Misamis Oriental samtang dad-on niya ang representasyon sa duha ka lugar.
Si Obeñita ang dili na bag-o sa beauty pageant contest kay kanhi usab siya Mutya ng National Prisaa 2016 1st Runner Up, Miss Camiguin Tourism 2015 ug Mutya ng PRISAA Northern Mindanao 2015.
Si Cindy ang kasamtangang tourism operations officer II sa provincial govt sa Misamis Oriental.
Siya gradwado sa kursong Mass Communications sa Liceo de Cagayan University isip magna cum laude.
