CAGAYAN DE ORO CITY – Nakurat ang netizens ug fans nga taga Cagayan de Oro ug Misamis Oriental sa pag-angkon Ms Universe Philippines candidate Vincy Vacalares nga siya nagpositibo sa COVID-19.
Mismo ang handlers ug pamilya sa Cagayan de Oro beauty queen ang mikompirmar sa iyang kahimtang.
Gibutyag ni 2019 Ms Cagayan de Oro Cindy Obeñita nga nasubo sila sa gidangatan ni Vincy ilabina nga dili sayon ang giagian sa mga kandidata sa Ms Universe Philippines makaabot lamang sa October 25 coronation night.
Miingon si Obeñita nga posibleng dili pa kini ang ensaktong panahon ni Vacalares aron mosalmot sa national pageantry.
Giampo na lamang nila nga mas mapadali ang kaayuhan ni Vincy aron makabalik na dinhi sa syudad.
Si Vincy maoy nagsilbing 3rd runner up ni Obenieta niadtong sila nagtigi sa kaanyag ug kaalam sa 2019 Ms CdeO coronation.
