CAGAYAN DE ORO CITY – Gisakmit ni 2019 Ms Kuyamis Chella Grace Falconer gikan sa Magsaysay,Misamis Oriental ang 1st runner up spot sa Ms Bikini Philippines 2020 pageant.
Kini human gi-representahan ni Falconer ang programang turismo sa lalawigan ni Provincial Gov Bambi Emano aron mas maila pa ang nagkadaiyang tourist spots nga makita dinhi nga bahin sa Mindanao.
Si Falconer ang dili na bag-o sa mga pag-apil sa beauty pageant kay kabahin usab kini sa milangkob sa Mutya ng Pilipinas Northern Mindanao 2017 ug Bb.Medina 2018 ayha na koronahan isip Ms Kuyamis 2019.
Sa gihimo usab nga virtual pageant night,nagsilbing 2nd runner up si Allysaa May Nicholls samtang runner ups sila si Elda Louise Aznar ug Joycee Lavida.
Maoy giila nga grand winner sa maong indigay si Chelsea Fernandez nga naggikan sa Tacloban City sa Eastern Visayas region.
