CAGAYAN DE ORO CITY – Abagan ni Cagayan de Oro boxing pride ug 2019 SEA Games gold medalist Carlo Paalam ug Pinoy boxer Nesthy Petecio sila si Eumir Felix Marcial ingon Irish Magno alang sa kampanya sa Pilipinas makakuha’g pinakaunang medalyang bulawan sa Olympics competition sa Japan sa Hulyo hangtod Agosto ning tuiga.
Kini human segurado na si Paalam ug Petecio nga kabahin sa moaway sa Tokyo Olympics tungod sa gihatag nga slots sa International Olympic Committee Boxing Task Force o IOC-BTF.
Gibase sa maong task force sa nakuha nga high rankings sa boksing sa duruha ang ilang pagka-apil sa listahan nga makadula na sa Olympics.
Dugtong niini,gikalipay pag-maayo ni Association of Boxing Alliances in the Philippines o ABAP Pres Ricky Vargas ang pagkasulod nila ni Petecio ug Paalam sa rooster sa Olympics.
Mihangyo si Vargas sa katawhan nga paluyuhan ang kampanya sa mga boksingerong Pinoy nga modala sa bandila sa Pilipinas.Una nang nakasulod sa Olympics sila si pole vaulter EJ Obiena ug gymnast gold medalist Carlo Yulo.
