CAGAYAN DE ORO CITY – Gibulgar ni kanhi Misamis Oriental Vice Gov Joey Pelaez nga may nadiskobrehan ang oposisyon sa Sangguniang Panlalawigan nga budget insertion gikan sa katibuk-ang 3.5 bilyon pesos alang sa lalawigan ning tuiga.
Kini human unang gikibhangan sa mayoriya sa SP sa 68 milyon pesos nga pondo ang buhatan sa iyang igsoon nga si Vice Gov Jigjag Pelaez ning tuiga.
Miingon ang kanhi bise gobernador nga nakuha subay sa dokumento nga ilang nakuha,dunay nadugang nga budget items nga gipalusot ang mayoriya nga dili aprobado sa pagtuki sa pondo ning tuiga.
Samtang gibulgar usab sa mayoriya nga gusto sa kampo ni Vice Gov Jigjag Pelaez nga gamiton ang 2019 budget aron mabalik ang dakong pondo nga gikuha gikan sa iyang buhatan ning tuiga.
Kini ang tubag ni SP board member Wayne Militante sa pasangil ni kanhi Misamis Oriental Vice Gov Joey Pelaez nga dunay budget insertion nga nahitabo sa pondo nga kasamtangang gigamit ning tuiga.
Miingon si Miltante nga dili na kinahanglan nga mohimo pa sila’g budget insertion kay kaya nila kini matuki sa mayoriya sa plenaryo.
