CAGAYAN DE ORO CITY – Nahukman sa simbahang katoliko nga wala na’y ipahigayon nga traslacion sa itom nga Nazareno sa syudad tungod sa COVID-19 pandemic.
Gibutyag ni Msgr. Precious Cabunoc, kura paroko sa Sr Jesus Nazareno Parish nga usa na lamang motorcade caravan ang ilang himoon.
Miingon si Cabunoc nga mihangyo na sila sa city gov’t nga tugtang makalibot sa syudad ang itom nga Nazareno alas 10 sa gabiI atol sa besperas sa kapistahan niini.
Samtang gihupay ni Moreno ang kabalaka sa mga deboto nga malimitahan ang pagpadayag sa ilang dakong debosyon sa Itom nga Nazareno ning syudad.
Kini human unang nahukman sa mayor nga walay himoon nga traslacion sa mismong adlaw sa kapistahan sa Nazareno sa Enero 9 ning tuiga.
Miingon si Moreno nga pangitaan pa gihapo’g paagi kon unsaon dili mapihig ang pagtoo sa katawhan nga dili usab makompromiso ang minimum public health standards aron kalikayan ang dugang local transmission sa COVID-19 sa dakbayan.
Hisayrang ning tuiga lamang nga dili mahitabo ang parada tungod sa local transmision sa bayrus ning syudad.
