CAGAYAN DE ORO CITY – Sakmiton na sa kandidata nga hawid ang kalantip sa salabutan ug kaanyag ang titulo sa 10th Ms Kuyamis Festival ning tuiga.
Kini alayon sa himoon nga coronation night sa 21 ka official candidates sa maong indigay sa kaanyag sa Atrium,Limketkail Mall ning syudad karong gabii.
Personal mosaksi pagrampa sa maong indigay si Misamis Oriental Provincial Gov.Peter ‘Senior Pedro’ Unabia ug department heads sa kapitolyo.
Gibutyag ni Provincial Tourism Dept head Atty Jeffrey Saclot nga walay bayad alang sa mga gustong mosaksi nga katawhan sa syudad ug lalawigan ang nahisgutan nga kalihukan.
Sa miaging swimsuit competition sa maong mga kandidata,si Talisayan beauty queen Mary Love Lopez ang giila nga dunay labing seksi ug kurbada nga lawas.
Gawas kang Lopez nga mo-rampa sa coronation night,makita ang laing 20 ka kandidata nga gilakipan ni Richel Ann Dimagnaong gikan sa Alubijid;Simran Singh sa Balingoan,Melody Lusterio sa Binuangan; Ann Marie Zoila Aranas sa Claveria; Zhydelle Anor Langala sa El Salvador City;Shenalyn Lauron sa Gingoog City; Ericka Dane Amante sa Gitagum;Trisha Gracy Amarga sa Initao; Jeremie Rafiñan sa Jasaan;Quee Marie Tagaylo sa Lagonglong;Hazel Wyeth Deguit sa Laguindingan;Joyce Cristi Uy sa Libertad;Glysdi Hatague sa Lugait; Kimberly Marie Ballares sa Manticao;Kiarra Neri sa Medina;Eri Rose Ong sa Naawan; Kriztine Clarie de Guzman sa Opol;Nicole Louise Zulita sa Salay ug Alyzza Niña Alaan sa lungsod sa Tagoloan.
Kon kinsa man ang modaug ning tuiga,siya ang mo-representa sa Misamis Oriental alang sa national pageant competition nga apilan sa provincial govt sa kauluhan.
Hisayrang kini nga pageant competetion ang nasugdan sa panahon ni kanhi gobernador ug karon 2nd District Cong. Bambi Emano nga gipadayon sa administrasyon ni Unabia.
