CAGAYAN DE ORO CITY – Sugdan na ang paglusad sa nagkadaiyang core ug parallel events alayon sa kapistahan sa patron San Agustin ning syudad sulod ning bulana.
Kini igo paghuman sa official launching sa 2024 Higalaay Festival nga panguluhan ni City Mayor Rolando ‘Klarex’ Uy sa Rio de Oro Boulevard sa dakbayan unya sa kagabii.
Miingon ang tigpamaba sa mayor nga si Janboy Actub nga ang paglusad niini ang ilhanan nga mosugod na usab ang lain-lain nga kalihukan sa simbahang Katolika ug mismong city govt sponsored fiesta activities.
Una usab niini,gipaniguro sa Cagayan de Oro City Police Office nga nakahan-ay na ang ilang ihatag sa nga seguridad sa kalihukan unya sa kagabii.
Namahayag si COCPO City Director Col Salvador Radam nga may igo sila nga puwersa nga ikatag aron pagsiguro nga luwas ang kalihukan ug mga bisita nga mosaksi niini.
