CAGAYAN DE ORO CITY – Dul-an siento-porsiento na ang kaandam sa seguridad sa city govt ug security forces alayon sa mga relihiyosong kalihukan ug de-komersyo nga mga aktibidad sa kapistahan ni Sr San Agustin sa Agosto 28 ning syudad.
Kini ang gipahibalo sa buhatan ni City Mayor Rolando ‘Klarex’ Uy pinaagi sa iyang tigpamaba nga si Janboy Actub sa interbyu sa Bombo Radyo.
Miingon si Actub nga ilusad na sa city govt ang official launching sa Higalaay Festival sa Rio de Oro Boulevard sa Agosto 2 sa kagabii.
Siya miingon nga pasiunang 15 ka city sponsored initiated events ang ilusad ning tuiga ug laing parallel activities usab ang gikan sa mga pribadong sektor.
Sugo sa mayor sa fiesta committee nga masiguro nga luwas ang mga residente ug mga bisita nga makigduyog sa fiesta activities pagsulod sa Agosto.
Dumduman nga sa tuig 2023,gihimo ang launching sa boulevard diin gitambungan sa libu-libong katawhan.
Hisayrang nalugwa usab ang impormasyon nga dunay pipila ka senadores nga moapil pagbukas sa kalihukan sunod semana.
