CAGAYAN DE ORO CITY – Nadehado apan may igong panahon pa si US Pres Joe Biden nga makabaye sa iyang performance sa pakig-debate sa kaatbang niini nga si kanhi US Pres Donald Trump.
Kini ang nakita ni kanhi City Mayor Oscar Moreno sa unang presidential debate sa pulos senior political candidates sa Amerika sa miaging adlaw’ng Biyernes.
Miingon si Moreno nga nakadugang puntos kadto kang Trump nga debate apan dili pa igo aron tupngan niya ang mga programa ug mga serbisyo nga nahimo sa administration ni Biden sa Amerika.
Si Trump ang kanhi gipildi ni Biden sa 2020 US elections apan nagkagubot kay wala dawata ang kapildihan niini.
Hisayrang aksyo’g kabalaka ang partido Democrats sa debate performance ni Biden rason nga dunay uban nga nagsulti nga ipasibog na lang kini batok Trump.
