CAGAYAN DE ORO CITY – Mahidangat na sa dakbayan ang pipila sa mga makina nga iya sa Miru Corporation Limited gikan sa South Korea nga alang sa 2025 elections sa nasud.
Kini maoy sulti ni Comelec 10 regional director Atty Renato Magbutay kabahin sa tinguha nga mapahigayon ang hapsay nga eleksyon sa nasud.
Gibutyag ni Magbutay nga lauman nga bulan sa Nobyembre,makaabot sa Northern Mindanao ang sobra 90 ka automated machines sa Miru aron gamiton sa voting demonstrations ug road shows.
Igo paghuman sa kalihukan, gilayong kining ipadala’g balik sa kauluhan alang sa final reconfiguration ayha ipahimutang sa storage area samtang paabuton ang May 2025 elections.
Samtang namahayag usab ang opisyal nga gisugdan na nila ang pagkuha sa mga listahan sa DepEd teachers nga hulman ang serbisyo sa piliay.
Kini sa tuyo nga maplastar pagsayo ang ilang madawat nga election honorarium nga wala na’y kuhaon nga buhis.
Hisayrang sunod bulan, sugdan na sa ahensiyha ang pagdawat sa certification of candidacy o COC sa mga personalidad nga gustong modagan sa piliay.
