CAGAYAN DE ORO CITY – Kabahin na sa taas nga sukdanan sa Bombo Radyo Philippines sa pagsugod sa bag-ong tuig ang pagtigom sa de-kalibreng managers nga gilangkuban sa lalaki’g kababayen-an gikan sa nagkadaiyang bahin sa Pilipinas alang sa TOP LEVEL MANAGEMENT CONFERENCE o TLMC.
Kini tinuig nga gihimo aron suknaon ang nahatag nga performance o agi kada-estasyon kon nasunod ba niini ang Network’s standard of excellence.
Tema sa TLMC ning tuiga ang ‘LEADER OF UNMATCHED INNOVATION IN RADIO REVOLUTION.’
Taliwala sa nagkaylap nga FAKE NEWS,dakong puwersa nga utok sa dis-impormasyon, apan ang Bombo Radyo Philippines nagpabiling NUMBER ONE AND MOST TRUSTED RADIO NETWORK IN THE COUNTRY isip usa ka institusyon nga masandigan alang sa paghatag sa ensakto,tinood nga balita ug impormasyon.
Ang mga nadawat nga daghang pasidungog ang wala makuha sa Bombo Radyo Philippines sa tumang kasayon lamang.
Sa adlaw’ng tanan, ang liderato sa station managers sa Bombo Radyo Philippines gipaniguro nga motigbabaw ang gitawag nga STANDARD OF EXCELLENCE.
Gipaniguro usab niini nga mga ipinulti sa kahanginan ang miagi sa subsob nga pagsusi ug pagtoon nga dili layo sa balaknong linya ni ARISTOTLE nga ang KALAMPUSAN dili usa ka aksidente apan resulta sa ligdong nga tinguha,walay pagkaluya nga paningkamot ug maalamon nga pagpatuman…bug-os nga paghukom ug dili simpleng kahigayunan lamang aron kab-uton ang imong kapalaran.
Tungod niini, gibarugan sa Bombo Radyo Philippines nga kini nag-una pag-abot sa RADIO TECHNOLOGY.
Kini tungod kay napatuman niini ang lapad nga transpormasyon pinaagi sa paghupot sa pinakabag-o nga sistema ug kagamitan aron mapasayon alang sa mga sumusunod niini.
Napamatud-an nga ang RADYO pabiling epektibo sa kinabuhi sa katawhan pinaagi sa paggamit sa teknolohiya aron mahatag ang pinakapaspas,makahuluganon,lab-as nga mga balita,impormasyon ug kalingawan.
Nunot niini,ang Bombo Radyo Philippines ang nagpabiling lider ug naila nga numero sa mga inobasyon.
Gipasaligan sa Bombo Radyo Philippines ang tanang avid followers nga ang Network ang mohimo ug mohatag sa pinakamaayong unod sa balita’g impormasyon.
Kini ang rason nga ang TLMC ang nagbaton sa dekalibreng mga mamumulong ug nangimbitar usab sa mga expertoo nga hanas sa ilang field of specializations aron magamit ang best practices sa tanang Network area of operations.
Labaw niini,magsilbi usab kining higayon nga ipalig-on ang mga programa, mga tanyag ingon man mga proyekto nga adunay epekto sa kinabuhi kaninyo among mga tigpaminaw.
Pinaagi sa paghiusa sa kalam sa liderato ug gibug-os nga mga kasinatian sa nagsilbing frontliners nga maoy nagpadagan sa mga estasyon kada-adlaw, walay duda nga ang BOMBO RADYO PHILIPPINES magpabiling NUMBER ONE AND MOST TRUSTED RADIO NETWORK IN THE COUNTRY! BASTA RADYO….BOMBO!
