Gikuwestyon ni Davao 3rd District Representative Isidro Ungab ang padayon nga pagpagawas sa mga unprogrammed appropriations bisan wala pa kini klarong legal nga basihan o sapat nga revenue support.
Segun sa magbabalaod, ang maong pondo nga wala gilakip sa original nga budget allocation ug kinahanglan unta nga gamiton lang kung adunay excess income ang gobyerno, apan sa kasamtangan, nagpadayon gihapon ang releases bisan wala pa maabot ang gikinahanglan nga kita.
Gipangayo ni Ungab ang transparency ug accountability sa Department of Budget and Management (DBM) ug gidasig ang Kongreso nga susihon ang legalidad ug epekto sa maong pamaagi sa national budget.
