CAGAYAN DE ORO CITY – Nasihag ang kahismog sa kahimtang sa ekonomiya sa kasamtangang pagdumala ni City Mayor Rolando ‘Klarex’ Uy sa dakbayan.
Kini maoy sulti ni Jason Adaza,hepe sa Business Permitting and Licensing Division sa city hall nunot sa resulta sa duha ka bulan nga gigahin alang sa renewal sa business permits sa mga negosyante sa dakbayan.
Gibutyag ni Adaza nga anaa sa 8.38 porsiento ang na-rehistro nga mikuha’g business permits sugod Enero 2 hantod petsa 1 sa Enero ning tuiga.
Kini tungod kay anaa sa 25-mil 905 ka business permits ang na-aprobahan itandi sa 23-mil 903 sa milabay’ng tuig.
Nagkahulugan nga adunay pagsaka sa mga nahununan sa dakbayan diin anaa sa sobra 2-mil ang nadugang.
Gawas sa regular business permit applicants, anaa usab sa mil- 612 ka bag-ong mga patigayon ang mibubo sa ilang pahumunan sa dakbayan diin mas taas sa mil-481 sa susamang period sa tuig 2024.
Hisayrang una nang namahayag si Janboy Actub,tigpamaba ni Mayor Klarex nga gamiton ang maong koleksyon sa dugang pagtunol sa batakang serbisyo alang sa katawhan sa dakbayan.
