CAGAYAN DE ORO CITY – Napugngan sa hiniusang tropa sa mga otoridad sa estado ang dagkong mga hitabo nga hayan mohatag pagkatugaw sa katawhan nga nag-obserbar sa mga mahal nga adlaw sa Northern Mindanao sa milabay’ng semana santa.
Kini human gilugwa sa Police Regional Office 10 nga a naa sa halos 60 poriento ang pagkunhod sa focus crimes sa rehiyon sa maong mga adlaw.
Miingon si PRO 10 regional director Brig Gen Jaysen De Guzman nga kabahin sa walay natala nga kaso ang pagpanglugos sa mismong adlaw sa semana santa ning tuiga itandi sa 2024 nga naghupot ang rehiyon sa napulo ka insidente.
Hinoon,adunay pagsaka’g gamay sa kasong pagpanulis apan dili usab dinagko nga milista sa walo ning tuiga itandi sa upat lang sa 2024.
Siya miingon nga tungod sa kooperasyon sa katawhan sa katibuk-an,napasayon nila ang pagpatuman sa security implementation plan sa maong kalihukan.
