CAGAYAN DE ORO CITY, Philippines – Mas matured nga Julie Ann San Jose ang nasaksihan sa iyang mga fans human siya nag-upgrade sa iyang imahe isip showbis entertainer sa Philippine show business.
Gikan sa Maria Clara roles, nag-viral na ang iyang superhot sexy pose sa kalendaryo sa Ginebra.
Niadtong bulan sa Oktobre, opisyal nga gipili ang Limitless Star sa Ginebra San Miguel, Inc. (GSMI) aron magsilbing 2025 Cover Girl.
Sa media interview, super happy ang actres sa bag-ong make-over sa iyang career ilabe nga unom ka mga hulagway ang mapagawas sa bag-ong kalendaryo.
Super proud usab ang iyang hinigugma nga si Rayver Cruz sa pagkapili ni San Jose isip cover model sa sikat nga ilimnon sa Pilipinas.
