Target sa House of Representatives nga ma-aprobahan ang 3rd ug final reading ang gisugyot nga PHP6.352-trillion national budget alang sa tuig 2025 sa Setyembre 25.
Namahayag si House Appropriations Committee senior vice chair and Marikina Rep. Stella Quimbo nga ang plenary debates sa 2025 General Appropriations Bill sugdan na sa Setyembre 16.
Sa adlaw’ng Lunes ug mudagan kini sulod sa dul-an duha ka semana.Unahon sa deliberasyon ang nasudnong pondo sa Department of Finance, National Economic and Development Authority, Department of Budget and Management, lump sum funds, pondo sa judiciary ug sa Department of Justice.
Sa ika-17, tukion sa plenaryo ang nasudnong pondo sa Office of the Ombudsman, Commission on Human Rights, Department of Human Settlements and Urban Development, Department of the Interior and Local Government, Department of Tourism, ug sa Department of Labor and Employment.
Sa ika 18, mupokos ang mga magbabalaod sa pagsala sa 2025 budget sa Department of Foreign Affairs, Commission on Elections, Department of Agrarian Reform, Department of Trade and Industry, Commission on Higher Education, Games and Amusement Board, Philippine Space Agency, Philippine Sports Commission, Anti-Money Laundering Council ug sa state universities and colleges.
Ang nasudnong pondo para sa Department of National Defense, Department of Migrant Workers, Department of Environment and Natural Resources, lakip na ang budgetary support sa managlahing government corporations mahitabo sa ika Setyembre 19.
Sa mosunod nga adlaw, ang konseho mutuki sa budgets alang sa Presidential Communications Office, Department of Information and Communications Technology, pondo para sa executive offices,budgetary support sa Bases Conversion and Development Authority and the Cultural Center of the Philippines, ug allocation alang sa Metropolitan Manila Development Authority.
Sa ika-23, gitakdang susihon ang usa sa labing dakung pahat sa GAA ang pondo para sa Office of the Vice President, Department of Agriculture, Department of Health, Department of Energy, Energy Regulatory Commission, ug pondo alang sa uban pang executive offices sama sa Dangerous Drugs Board, National Security Council, Mindanao Development Authority, lakip na ang Marawi Compensation Board.
Sa ika-24 tukion ang pondo para sa Civil Service Commission, Commission on Audit, Department of Education, Department of Social Welfare and Development, National Commission of Senior Citizens, ug sa Department of Transportation.
Ang ulahing adlaw sa deliberasyon gitagana alang sa pagsala sa pinal nga pondo nga ihatag sa Department of Public Works and Highways, Office of the President, ug sa mismong hawanan sa kongreso.(Bombo Anne Quileste).
