CAGAYAN DE ORO CITY – Gihalad sa 266 ka Philippine Military Academy ‘SIKLAB-LAYA’ Class of 2025 graduates ang ilang naangkon nga kalampusan isip bag-ong sakop sa Armadong Kusog sa Pilipinas sa katawhang Pilipinhon.
Kini ang unod sa mensahe ni PMA SIKLAB-LAYA Class of 2025 Summa Cum Laude Cadet First Class Jessie Ticar Jr nga taga-Quezon City atubangan sa katawhan nga misaksi sa ilang pagtapos sa upat ka tuig nga pagkat-on sulod sa akademya.
Miingon si Ticar nga kini ang haom nga higayon nga suklian nila’g sugod ang kahago ug paghatag sa buluhisan sa katawhan aron kabahin sila sa makabaton sa maayong kaugmaon isip mga sundalo sa nasud.
Siya miingon nga magkabulag-bulag man sila sa ilang sudlan nga branches of service sa AFP, apan usa lang ang tumong sa pagsilbi nila nga sundalo ug kini pagpanalipod sa mismong katawhan ug konstitusyon sa nasud.
Sa 266 ka PMA SIKLAB-LAYA Class of 2025 graduates, 17 niini ang gikan sa nagkadaiyang bahin sa Northern Mindanao diin tipik si si Cadet First Class Angelique Mae Cabardo sa Iligan City ang giila nga Magna Cum Laude ug Cadet First Class John Robert Real sa Cagayan de Oro City nga misakmit usab sa Chief Justice Saber Award.
Hisayrang pinasidunggang mamumulong sa ilang PMA grauduation si Pres Bongbong Marcos,kinuyugan ni Defense Secretary Gilberto Teodoro Jr,AFP chief of staff Gen Romeo Brawner Jr ug ubang top govt officials sa Fort General Gregorio del Pilar,Baguio City kagahapon sa buntag.
