CAGAYAN DE ORO CITY – Gitahasan ni Commission on Election Comelec chairman Atty George Garcia ang ilang tanang election officers nga sudlon ang kabarangayan tibuok nasud alang sa voters education ug road show sa gamiton nga automated counting machines o ACMs sa 2025 elections.
Kini sa tuyo nga magbaton sa igong kahibalo ang mga botante paggamit sa ACMs sa panahon nga sila mohimo na pagbotar sa mga kandidato sunod tuig.
Miingon si Comelec 10 regional director Atty Renato Magbutay nga importante kini nga masayran sa katawhan ilabina nga adunay pipila ka kabag-uhan sa mga makina nga iya sa Miru System Company Limited.
Siya miingon nga molungtad ang ACM road show ug voters education dinhi sa rehiyon hangtod sa Pebrero pa ning tuiga.
