Walay laing gihulagway ang Kilusang Mayo Uno sa pitong trilyon pesos nga 2027 national budget sa nasud nga puno gihapon sa pork barrel ug pundo sa mga opisyal kundi usa ka garapal nga badyet.
Gipadayag ni Kilusang Mayo Uno Secretary General Jerome Adonis nga hangtod magpabilin ang sistema sa gobyerno nga nakatugpa sa political patronage ug pag-alagad sa kaugalingong interes, magpabilin gihapon nga mag-antos ang katawhang Pilipino.
Dugang pa sa opisyal, ang badyet sa nasud nagsilbing tinuod nga repleksyon sa direksyon sa gobyerno ug sa prayoridad sa mga naglingkod sa gahum.
Busa, nanawagan ang grupo nga unta ihatag ang pondo sa pagsulbad sa kawal-on og trabaho, taas nga presyo sa palitonon, ug sa batakang panginahanglanon sa mga mamumuo
