CAGAYAN DE ORO CITY-I-biyahe na sa House of Representative Electoral Tribunal o HRET padulong sa kauluhan ang 204 ka ballot boxes nga giprotestahan sa kampo ni kanhi Kag Candy Darimbang.
Kini human sugdan ang pagsusi kon tinood nga adunay pagpanikas sa resulta sa eleksyon samtang nagkontra sila pagka-kongresista ni reelected Cong Rolando ‘Klarex’ Uy sa 2016 elections ning syudad.
Gibutyag ni City Treasurer Ramon Mendoza nga maghulat na lamang sila kon ugaling ipatawag sa HRET samtang dunggon ang duha ka panig.
Una nang namugos ang kampo ni Darimbang nga angay masusi ang resulta sa maong mga balota ilabina nga nagtoo sila nga adunay descripancy niini.
