(Update) CAGAYAN DE ORO CITY – Giabisuhan sa city government ang mga residente nga nanimuyo sa coastal barangays sa syudad nga kanunay mag-alerto.
Kini tungod sa dautang panahon nga dala sa bagyong Paeng ingon man ni bagyong Quennie nga naghatag sa dakong bahin sa kinabuhi sa katawhan sa coastal lines sa dakbayan.
Gihimo ni City Disaster Risk Reduction and Management Council head Nick Jabagat nunot sa pagka-apektuhi sa 208 ka pamilya sa kalit nga pagdagko sa balod sa kadagatan o storm surge sa coastal lines sa kabarangayan sa Agusan,Tablon,Bugo ug Puerto sa syudad sa pagkuso-kuso sa mata sa bagyong Paeng sa Catanduanes sa Bicol region sa milabay’ng kadlawon.
Miingon si Jabagat nga hangtod nga dili mawala sa Pilipinas ang presensya sa duha ka bagyo,pabilin usab ang dakong bahad sa kinabuhi sa katawhan sa kalamidad rason nga kinahanglan nga kanunay nga alerto.
Dugang sa opisyal nga hinoon,walay kinabuhi sa mga residente nga nakalas o nasamdan sa dihang gihapak sa dagkong mga balaod sa dagat ang daghang kabalayan sa maong kabarangayan.
Apan gikompirmar usab niini nga may lima ka balay ang hingpit naguba samtang anaa sa 10 ang nagbaton usab sa minimal nga pagka-damyos.
Sa pagkutlo usab ning balita,kamulo ang assessment sa taga- City Social and Welfare Development sa mga apektadong residente sa maong mga brgy.
Hisayrang sa milabay’ng duha ka semana,kini gihapon nga mga barangay ang nakahiagom sa lapad nga pagbaha diin libuang residente ang apektado ug may tulo gikan sa Brgy Bugo ang nangamatay gumikan sa kalamidad.
