CAGAYAN DE ORO CITY – Misaka pa sa 21 ka Good Conduct Time Allowance o GCTA Law beneficiaries ang boluntaryong mitahan sa kapolisan ubos sa Northern Mindanao.
Sumala ni Police Regional Office o PRO-10 spokesperson Lt Col Mardi Hortillosa nga miabot na sa 11 ka GCTA beneficiaries ang mitahan sa Bukidnon, 4 sa Lanao del Norte, 2 sa Misamis Oriental, 2 sa Iligan City samtang tag-usa sa Camiguin ug Misamis Occidental.
Asoy ni Hortillosa nga napugos pagtahan ang pipila kanila human sila padalhi’g notice gikan sa Davao Penal Farm.
Apan nagtoo si Hortillosa nga sa maong ihap, pipila sa mga benepisyaryo ang makaggawas gihapon sa prisohan kay dili tanan kanila ang nag-atubang sa heinous crime.
Hisayran nga pipila sa giatubang nga kaso sa beneficiaries ang pagpatay, pagpanglugos, rape with robbery, robbery with homicide and rape ug arson.
