CAGAYAN DE ORO CITY – Boluntaryong mitahan sa 103rd Infantry “Haribon” Brigade ang 21 ka mga sakop sa rebeldeng New Peoples Army (NPA) ug upat ka nga gitoohang miyembro sa teroristang grupo sa Lanao del Sur.
Sumala pa ni Westmincom spokesperson Major Arvin Encinas nga na-pressure ang mga rebel returnees sa sunod-sunod nga military operations hinungdan nga sila mibalik sa sabakan sa gobyerno.
Hisayran nga walay puas nga combat operations ang gihimo sa militar sukad mabawi sa tropa sa 49th IB,Philippine Army ang kampo sa rebeldeng New People’s Army o NPA nga nagsilbing medical training facility sa Lumba Bayabao,Lanao del Sur nga gikaangol sa duha ka mga sundalo.
