Break malfunction ang hinungdan sa pagbalintong sa six-wheeler truck nga gisakyan sa 21 ka magtutungha sa USTP-Claveria, didto sa Sitio Alubijid, Villanueva Misamis Oriental.
Gibutyag ni Villanueva Municipal Police Station – Deputy Station Commander – Police Lt Ronnie Donasco nga lakip sa angol ang driver ug pahinante sa truck nga gimaneho ni Nikki Agusan nga taga Balingasag, Misamis Oriental.
Ang driver ug pahenante pulos nadala sa Northern Mindanao Medical Center (NMMC), ning syudad.
Samtang ang mga samaran ug naka-angkon sa bun-og sa lawas nga mga magtutungha pulos landing sa Northeastern Misamis General Hospital (NMGH) sa Villanueva, ning lalawigan.
Subay sa inisyal nga report, nang hitch ang mga Engineering Students sa trak ni Agusan aron mupauli sa ilang puy-anan.
Miingon ang nakasaksi nga diriyot madiskarel sa dalan ang trak ug mahulog sa pangpang, apan napaningkamutan sa drayber nga makabig kini sa batoon nga bahin aron maluwas ang iyang mga gikarga nga estudyante, ug nabalintong.
Hinoon, wala natala nga major injuries sa insidente.
Miligid na ang mas lawom nga imbestigasyon sa hitabo
