Photo courtesy by Bombo Patrick Tablon and Amid Pelaez
CAGAYAN DE ORO CITY – Nasunog ang 13 ka balay nga gipuy-an sa 21 ka mga pamilya sa Block 2 Brgy Puntod ning syudad, karong kagabii.
Gibutyag ni City Fire Marshall Superintendent Allan Cabot, nga nagsugod ang kalayo sa balay ni Nenita Labial ug paspas nga mikatap sa mga silingan tungod kay gama lang sa light materials ang ilang mga puy-anan.
Wala pay lead ang mga otoridad kung unsa ang hinungdan sa pagdaku sa sunog.
Unang gi-isa ang task force Alpha aron makaresponde ang uban nga fire station units ning syudad, tungod sa kadako sa kalayo.
Gibana-bana nga muabot sa dul-an tunga-sa-milyon ka pesos ang damyos sa sunod.
Hinoon, walay samaran o namatay human sa insidente.
Nagsugod ang sunog alas 7:30 ug na-fireout pasado alas 10 sa gabii.
