CAGAYAN DE ORO CITY -Nawad-an sa ilang panimalay ang 21 ka pamilya tungod sa dakong sunog nga natigayon sa Gumamela Street,Brgy Carmen ning syudad kagabii.
Miingon si BFP Cagayan de Oro District spokeperson Fire Insp Sam Velarde ug Carmen Punong Brgy Kikang Uy nga kompirmado nga nagsugod ang pag-ulbo sa kalayo sa ikaduhang andana sa balay ni Benedict Beronio ayha paspas nga mikaylap sa mga silingan niini.
Hinoon,walay mga samaron o nakalas sa maong ihap sa mga pamilya nga kasamtangang gipahimutang una sa 4th floor sa Macanhan National High School sa brgy ning syudad.
Namahayag si Velarde nga mitala sa bana-bana nga sobra uno milyon ka pesos ang structural damage sa maong sunog.
Samtang gipasalig usab ni Kapitan Kapitan nga makabalik ra gihapon sa pagtukod sa ilang mga balay ang mga biktima sa maong sunog.Gipalawman pa usab sa mga imbestigador ang pasuta sa rason sa sunog kagabii.
