Misaka pa sa 21 ang patay sa paglampurnas sa super typhoon Yagi sa Northern Vietnam.
Segun sa Ministry of Agriculture and Rural Development, kasagaran sa mga namatay nabangalan sa coastal province sa Quang Ninh, duha sa Hai Phong city ug tag-usa ka patay sa Hai Duong, Hanoi, laing upat sa Hoa Binh, usa sa Yen Bai, usa sa Lang Son ug unom sa Lao Cai.
Midugang niini ang unom ka tawo nga namatay sa pagdahili sa yuta sa Lao Cai, Domingo sa hapon.
Sa pagkutlo ning balita, padayon pa ang rescue and retrieval operation sa gibana-bana 26 ka residente nga nagpuyo sa upat ka balay human midahili ang bukid nga dunay 20 metros nga ginhabugon sa maong lugar.
Sa katibuk-an anaa sa kapin gatus ang padayong missing sa pagbiya sa bagyo.(Bombo Anne Quileste)
