Pormal nang gibuksan sa ika-21 nga konseho ang ilang unang regular nga sesyon, ning syudad kagahapon sa hapon.
Si Bise Mayor Jocelyn Bebot Rodriguez, ang presideng officer nanghinaut nga mupatigbabaw ang panaghiusa sa tanan konsehales gikan sa una ug segundo distrito.
Iyang gisaad ang iyang dedikasyon sa pagpatunhay sa inclusive ug participatory legislative, kundiin ang tanang konsehal gihatagan sa patas nga oportunidad sa paglangkob sa mga diskusyon ug desisyon.
Sa maong sesyon, gipasar ang mga nag-unang resolusyon sama sa pag-adaptar sa sa Internal Rules of Procedure (IRP) nga mag-giya sa dagan sa mga kalihokan sa konseho.
Gipili usab ang mga Council Officers kundiin si Councilor Roger Abaday mao ang bag-ong Presiding Officer Pro Tempore. Si Councilor Edgar Cabanlas maoy mibarog isip Majority Floor Leader.
Samtang si Councilor Girlie Balaba ang napili isip Assistant Majority Floor Leader.
Ang mga natumbok nga opposition councilors nga sila Agapito Eriberto Suan maoy mihupot sa tahas isip Minority Floor Leader, ug si Councilor Yvy Emano ang iyang gitudlo nga Assistant Minority Floor Leader.
Human niini, gipili ang mga Chairpersons, Vice Chairpersons, ug mga miyembro sa Standing Committees subay sa bag-ong IRP, aron masiguro ang organisado ug epektibong pagdumala sa mga komitiba sa konseho
