CAGAYAN DE ORO CITY – Gismapulan sa city government pinaagi sa City Local Environment and Natural Resources Office (CLENRO) ang 22 ka barangay nga pabiling wala naghatag pakabana sa pagtuman sa Ecological Solid Waste Management Act of 2000 ning syudad.
Kini human lugwai’g final notice of violation ang maong mga barangay aron didto na manubag sa DENR-MGB ingon man sa DILG ug Ombudsman sa padayong pagsupak-supak sa balaod.
Miingon si CLENRO manager Engr. Armen Cuenca nga dili na mabasol ang city government kay taas nang panahon nga gihatag sa kabarangayan aron buhaton usab nila ang nakasangol kanila nga obligasyon.
Siya miingon nga sa 22 ka barangay nga nalugwaan sa maong notisya,duha niini ang mipaapas-hangyo nga madugangan sila’g laing konsiderasyon aron pagsanong sa balaod.
Hisayrang tuyo sa city govt nga mapatuman ang maong balaod sugod sa kabarangayan aron masiguro nga kanunay’ng limpyo ang hitsura sa dakbayan.
