Malampuson nga nadakpan sa mga operatiba ang 22 ka indibidwal nga giakusahan sa pagpangilad pinaagi sa online investment platforms.
Ang operasyon gipangulohan sa NBI-Cybercrime Division ug Special Action Unit human sa reklamo nga nagbase sa Article 315 sa Revised Penal Code (Estafa) gamit ang ICT.
Nadiskobre sa NBI ang ilang peke nga trading data, profit indicators ug account balances aron ilad ang mga investors nga nagtuo nga dako ang ilang ginansya.
Njadtong Marso 26, 2026, ang korte sa Makati nagpagawas sa Search Warrant ug Warrant to Seize Computer Data nga nagresulta sa pagdakop sa mga empleyado.
Ang mga nadakpan giatubang sa kaso ilalom sa Securities Regulation Code ug Cybercrime Prevention Act.
