Gikompirmar sa Police Region Office 10 nga sila nakadawat sa 22 ka mga bag-ong Police Mobile Patrol nga tipik sa ilang alokasyon gikan sa General Appropriations Act o GAA 2025. Namahayag si PRO-10 Spokesperson Police Major Joann Navarro nga gitumong ang mga bag-ong sakyanan alang sa ilang pagpalig-on sa police visibility ug mobility sa rehiyon sa Northern Mindanao. Gipasabot ni Navarro nga ang maong ihap mikompleto sa panginahanglanon sa lima ka probinsya sa Region 10. Kini nga mga units gilangkoban sa 16 ka 4×4 Toyota Hilux, nga ipadala sa Bukidnon, Misamis Occidental, Misamis Oriental, Lanao del Norte ug Camguin. Ang nahibilin, langkoban sa unom ka Toyota Innova nga padulong sa Malaybalay MPS, Maramag, Quezon ug Valencia City Police Office. Ang ulahing duha mupadulong sa Ozamis City Police Office ug Gingoog City Police Station.Gipasalamatan sa PRO-10 si Presidente Bongbong Marcos ug PNP Chief Melencio Nartatez Jr sa gi-alokar nga mga sakyanan.
