CAGAYAN DE ORO CITY-Dili una mapapahawa ang 221 ka pamilya nga naigo sa mando sa korte nga ipa-demolish nga ilegal nag-okupar sa du-ag 3 ka ektarya nga yuta sa Sitio Baloy, Brgy Tablon ning syudad.
Kini human gihataga’g 12 ka adlaw sa korte ang maong mga pamilya nga makapangita sa ilang kabalhinan.
Miingon Atty Dale Brian Mordeno,abogado sa mga apektadong pamilya nga lima ra unta ka adlaw ang gihatag sa korte nga lugway apan nahangyo kini hangtod 12 ayha ibakante ang yuta nga iya sa Hemari Development Corporation.
Samtang paghatag sa tawhanong konsiderasyon ang nag-unang rason ni Municipal Trial Court in Cities o MTCC Branch 2 Judge Eleuteria Badoles-Algodon ang mga residente sa Sitio Baloy, Brgy Tablon ning syudad.
Kini ang hinungdan nga naghatag si Algodon sa lugway nga dose ka adlaw ayha ipatuman ang demolition order sa maong lugar.
Miingon ang huwes nga tungod usab sa pasalig sa syudad nga mangita’g relokasyon,gilugway niya hangtod Hulyo 22 ang pagpabilin sa mga maapektuhang pamilya sa maong lugar.
Samtang paghatag relokasyon ang pinaka-epektibo nga paagi aron dili na mabalda ang pagpuyo sa 34-mil ka pamilya nga nagsilbing informal settlers ning syudad.
Kini ang baruganan ni City Mayor Oscar Moreno sa problema sa daghang mga pamilya nga nag-okupar sa mga pribadong kayutaan sa dakbayan.
Miingon si Moreno nga temporaryo lamang ang mga pagpugong nga uyuan sa korte hinungdan nga walay hunong ang pagpangita nila’g paagi pagtubag sa problema sa informal settlers sa syudad.
Una niini,gusto ni Moreno nga dili na magpabilin ang 220 ka pamilya sa Sitio Baloy,Brgy Tablon aron mabalhin na kini sa giandam kanila nga relokasyon sa syudad.
