Misaka ang ihap sa mga deboto nga mitambong sa traslacion ning tuiga. Base kini sa obserbasyon sa City Disaster Risk Reduction and Management Department human miabot sa 23,000 ang mi-uban sa dul-an duha ka oras nga traslaccion. Namahayag si CDRRMD Head Nick Jabagat nga usa sa mga hinungdan sa pagsaka sa ihap sa mga deboto mao ang pagdeklara sa maong adlaw isip special non-working holiday, inubanan sa maayong kahimtangan sa panahon. Gani, ning tuiga, mas dali nahuman ang traslaccion itande sa nanglabay nga tuig nga muabot sa tag 3-5 oras. Gipasalamatan sa CDRRMD ang kapulisan sa ilang gipatuman nga hugot nga seguridad, gikan sa mga misa-nobena, sa adlaw sa pahalok, ug hangtud sa katapusang misa sa Pista sa Itom nga Nazareno.
