CAGAYAN DE ORO CITY – Nakabalik na sa trabaho ang unom ka doktor,unom ka nurses,3 ka pharmacists ug laboratory technician gikan sa ilang pagka-kuwarantinas tungod sa pagkatakdan sa COVID-19 sa syudad.
Kini ang kompirmasyon ni Dr Bernard Rocha,liason officer sa Northern Mindanao Medical Center o NMMC kabahin sa kahimtang sa ilang frontliners nga natakbuyan sa bayrus.
Gibutyag ni Rocha nga sa 73 ka NMMC frontliners nga naigo sa bayrus,naka-recover na ang 32 kanila hinungdan may mga nakabalik na sa trabaho.
Dugtong niini, mi-apelar sa pagsabot sa publiko si Rocha kay limitado una ang pagdawat sa mga pasyente ning higayon sa COVID-19 pandemic.
Samtang nagbaton na sa 877 total recoveries sa mga pasyente nga natakbuyan sa COVID-19 ang dakbayan.Kini human laing 30 ka pasyente ang nadugang nga naka-rekober gikan sa mga pasilidad sa syudad.
Miingon si City Health Office head Dra Lorraine Nery nga sa mil- 294 nga total infected cases sa bayrus,anaa sa 16 ang bag-ong kaso apan 358 lamang aktibo ug gihatagan sa hugot nga medikasyon.
Apan gikasubo usab nga nagsaka pa sa 59 ang ihap sa mga namatay tungod sa dugang duha ka kagahapong adlawa.
