CAGAYAN DE ORO CITY, Philippines – Landing sa balaytambalanan ang kapin dosena ka mga indibidwal human masunog ang gisakyang ferris wheel sa Stoermthaler Lake, Germany.
Nahitabo ang insident samtang gipahigayon ang Highfield music festival sa maong lugar.
Subay sa inisyal nga imbestigasyon sa kapulisan, upat ka tawo ang nakahiagom sa second degree burns, ug laing 20 pa ang nadala sa hospital tungod sa pagkahilo dala sa “smoke inhalation’, bun-og ug managlahing samad sa lawas.
Laing upat ka pulis, nga igo lamang miresponde sa area, ang nawad-an sa panimoot tungod sa grabeng pag-aso. Duha ka bagon ang nasunog.
Wala pay lead ang mga otoridad sa hinungdan sa insidente.
Unang midepensa ang operator sa ferris wheel nga walay sakay sa nasunog nga mga bagon.
