Opisyal nga nanumpa kagahapong adlawa ang 235 ka bag-ong pulis aron mas mapalig-on pa ang pagluwas ug pagpabilin sa seguridad sa buhatan sa Police Regional Office 10 o PRO-10.
Atol sa maong kalihokan sa Camp Alagar sa Dakbayan sa Cagayan de Oro, pormal nga nadawat ang maong mga bag-ong Patrolmen ug Patrolwomen pinaagi sa pagdumala ni Police Brigadier General Nestor Babagay Jr., ang Regional Director sa PRO-10.
Gipahibalo sa heneral ang direktiba gikan sa labaw sa PNP nga si Police General Jose Melencio Corpuz Nartatez Jr. nga nagpahinumdom sa mga bag-ong rekrut nga ang ilang uniporme naggunit sa dako nga pagtuo sa katawhan.
Tungod niini, gipadayag ni Babagay nga kinahanglan gayod nga ibutang sa kasingkasing sa mga bag-ong pulis ang maong pahinumdom aron mahimong giya sa ilang serbisyo hangtod sa pagretiro, alang sa mas paspas, matinud-anon, ug bati nga pag-alagad sa publiko subay sa Bag-ong PNP para sa Bag-ong Pilipinas.-
