CAGAYAN DE ORO CITY – Gibantayan 24/7 sa kapolisan ang mga opisyal nga balota nga maoy gamiton sa mga botante pagbotar sa mga kandidato nga nagpapili sa nagkadaiyang katungdanan ning syudad sa May 12 nga piliay.
Kini human nahidangat na ang official ballots nga naka-alokar sa duha ka distrito nga gilangkuban sa 80 ka brgy ning syudad.
Miingon si Nestor Banuag Jr,regional coordinator sa NAMFREL Northern Mindanao nga dili mahilabtan ang maong mga balota hangtod nga imando sa Commission in Elections nga buksan sa pagka-Mayo 11.
Siya miingon nga gisaksihan sa nagkadaiyang representansyon sa mga kandidato ang pag-imbentaryo sa maong mga dokumento ayha gikandaduhan ang lawak sa city treasurer’s office kagahapon sa buntag.
