Paimbestigaran ni PNP chief Gen Rommel Marbil ang 24 ka kanhi generals nga mas nauna kaniya nga nagkupot sa labing taas nga katungdanan sa ilang ahensiya.
Kini resulta sa gibulgar ni PAGCOR Senior Vice President retired army General Ronald Villanueva nga adunay usa ka kanhi PNP chief nga naghatag proteksyon kang Alice Guo bugti sa kada-bulan nga dawaton nga payola payment niini.
Miingon si Marbil nga angayang masuta sa PNP kon kinsa ang gitumbok ni Villanueva kay nakataya ang integridad sa ahensiya ug mismo sa kanhi nila mga kauban nga nang-retiro na sa serbisyo.
