Gikondena sa Philippine Movement for Climate Justice Mindanao ang nakaung ong nga pagkaguba sa kinaiyahan ug pagkahurot sa tinubdan sa pagkaon tungod sa proyektong Pax Silica nga molamoy sa 1,620 ka ektaryang luna sa Capas, Tarlac.

Giklaro ni Philippine Movement for Climate Justice Mindanao Policy and Communications Officer Pat Jared Pangantihon nga ang maong lapad nga lugar nga susama sa 24 ka buok nga Mall of Asia gilangkoban og 33 porsyento nga kalasangan ug 30 porsyento nga yutang pang agrikultura.

Gidugang ni Pangantihon nga dakong sayop ang pagyatak sa kinaiyahan ug sa katungod sa komunidad alang lang sa gisaad nga kita sa ekonomiya gikan sa mga langyaw.

Matud sa opisyal sa grupo, walay kapuslanan ang bisan unsang benepisyo sa pinansyal kon mamatay ang kinaiyahan ug magutman ang katawhan.