Patay 24 ka Palestino sa labing lab-as nga airstrike nga gilusad sa Israel Defense Forces o IDF sa tulo ka managlahing lugar sa Gaza.
Lakip sa gi-bombardiyo sa IDF ang Al-Aqsa Martyrs Mosque, kinsa nahimutang pipila lang ka tikang sa Al-Aqsa Martyrs Hospital. Gibombahan usab sa IDF ang ‘Ibn Rushd’ School sa Deir al Balah.
Namahayag ang Palestinian Health Ministry nga misaka pa sa 93 ang samaran human sa opensiba.
Ning adlaw, gidumdum sa Israel ang usa ka tuig nga anibersaryo sa pag-atake sa Hamas militants sa Kibbuts area sa Israel, kung asa mipahigayon sa music festival ang kapin gatus ka tawong gimasaker sa mga rebelde.
Tin-aw ang mensahe ni Israel Prime Minister Benjamin Netanyahu sa pito ka grupo sa mga terrorista nga gustong lumpagon ang iyang nasud.
Gideklarar ni Netanyahu ang all out war batok Hamas sa Gaza, Hebollah militants sa Lebanon, Houthi rebels sa Yemen, ISIS sa Iraq, mga militante sa Judea ug Samaria ug ang pinaka-punuan ang gobyerno sa Iran.
Gitumbok nga Iran nga maoy tigsuplay sa mga armamento sa mga terorismo aron mapahilom ang ilang nasud sa ilang misyon nga pamatyon ang mga Hudyo ug Kristiano.
Gikondinar usab ni Netanyahu si French President Emmanuel Macron kinsa mipalanog sa iyang panawagan sa European Union nga pahamtangan sa arms embargo ang Israel kung mubalos sa ballistic missile attack sa Iran.(Bombo Anne Quileste).
