CAGAYAN DE ORO CITY, Philippines – Napakyas ang administrasyon ni Presidente Ferdinand Marcos Jr., nga makab-ot ang zero cascualty sa Bagyong Kristine.
Kagahapon, gibutyag sa National Disaster Risk Reduction and Management Council (NDRRMC) nga dul-an duha ka dosena na ang ihap sa mga tawong napalgang patay sa Southern Katagalogan Region, kundiin upat na lang ka tawo ang wala pa maberipikar.
Gi-report ni Bicol Regional Police Chief Brigadier General Andre Dizon sa NDRRMC nga 7 sa namatay nagsumikad sa Naga, 5 sa Catanduanes, 4 sa Albay, ug tag-usa sa Camarines Norte, Camarines Sur, Sorsogon ug Masbate.
Una niini, gibutyag sa Department of Social Welfare and Development nga dul-an 2-milyon indibidwal apektado sa Bagyong Kristine.
Miingon si DSWD Under Secretary Irene Dumlao nga gipaniguro nilang mapadad-an oras nga makasulod na ang ilang cargo trucks sa Bicol Region, Eastern Visayas ug Calabarzon nga pulos nagdelarar sa state of calamity.
Pinaagi sa deklarasyon, paspas ga magamit sa Local Government Units (LGU) ang ilang emergency ug calamity funds, lakip na ang pagsulod sa mga ayuda gikan sa DSWD.
