Wala mapug-ngan sa mga otoridad ang mga magtutungha nga magriot taliwala sa gihimong lihok protesta sulod sa usa ka pribadong unibersidad sa Turkey. Makita sa viral video ang pakiglalis, tinuklura ug pagbuhi sa masakit nga pulong sa mga estudyante batok sa mga pulis nga igo lang mipatuman sa crowd control sa lugar. Hisayran nga tumong sa protesta ang pagsuporta sa mga kabataan sa Syrian Kurds, kundiin bitbit nila ang mga slogan nga nagkondinar sa ilang gobyerno kung nganong gisalikway ang kalihukan sa mga Syrain Kurds. Namugos ang mga magtutungha sa Dicle University sa Diyarbakır nga dili angayan idamay sa Turkish Operation ang mga Syrian Kurds nga hapsay nga namuyo sa Aleppo. Gitin-aw sa mga batan-on nga kinahanglan ang mga ISIS lamang ang dakpon sa mga otoridad ug dili ang mga ordinaryong residente sa Amihanang Syria. Nahuman ang protesta sa pagsikop sa 25 ka magtutungha.
